நெடுந்தீவு மகளிரால் தயாரிக்கப்படும் உற்பத்திப் பொருட்களை சந்தைப்படுத்தும் நோக்கோடு மகளிர் உள்ளூர் உற்பத்திகளின் விற்பனை நிலையம் நேற்றைய தினம் (18/06/2026) திறந்துவைக்கப்பட்டது. பிரதேசசெயலர் உயர்திரு ந. பிரபாகரன் அவர்களின் தலைமையில் இடம்பெற்ற நிகழ்வில் பாராளுமன்ற உறுப்பினரும் பிரதேச ஒருங்கிணைப்புக்குழு தலைவருமான கௌரவ இளங்குமரன் அவர்கள் கலந்துகொண்டு விற்பனை நிலையத்தை திறந்துவைத்தார். மகளிர் உற்பத்திகளுக்கு நிலையான சந்தை வாய்ப்பை உருவாக்குவதோடு, அவர்களின் வருமானத்தை அதிகரித்து பொருளாதார சுயநிறைவை வலுப்படுத்தும் முக்கிய முயற்சியாக இந்தத் திட்டம் அமைகிறது. கௌரவ பாராளுமன்ற உறுப்பினர் இளங்குமரன் அவர்களின் பன்முகப்படுத்தப்பட்ட நிதியிலிருந்து ரூபா 10 இலட்சம் ஒதுக்கீட்டின்கீழ் குறித்த செயற்திட்டமானது நடைமுறைப்படுத்தப்பட்டமை குறிப்பிடத்தக்கது.

< <